ទ្រឹស្ដីដ៏មុតស្រួចរបស់មេដឹកនាំកំណែទម្រង់របស់ចិន តេង ស៊ាវភីង

0
57
តេង ស៊ាវភីង មេដឹកនាំចិន (រូបថត៖ Google)

លោក តេង ស៊ាវភីង គឺជាមេដឹកនាំចិនដ៏ឆ្នើមម្នាក់ ដែលបានធ្វើកំណែទម្រង់សេដ្ឋកិច្ចចិនឲ្យក្លាយជាសេដ្ឋកិច្ចទីផ្សារសេរី។ ប្រជាជនចិន បានស្គាល់ការរីកចម្រើនរហូតក្លាយជាប្រទេសសេដ្ឋកិច្ចលំដាប់ទី២លើពិភពលោកមកដល់បច្ចុប្បន្ន ក៏មួយចំណែកធំបានដោយសារទ្រឹស្ដីកំណែទម្រង់នេះដែេរ។ ទ្រីស្ដីដ៏ល្បីល្បាញរបស់លោក គឺ«ឆ្មាស ឬឆ្មាខ្មៅ មិនសំខាន់នោះទេ តែសំខាន់នោះ ឲ្យឆ្មានោះចាប់កណ្ដុរបាន»។ មិនមែនមានតែទ្រឹស្ដីមួយនេះ តែលោក ក៏មានទស្សនវិជ្ជាជាច្រើនផងដែរ។ សូមអានទ្រឹស្ដីរបស់គាត់ដូចខាងក្រោមនេះ៖

១. នៅពេលបក្សីមានជីវិត ពួកវាស៊ីសត្វល្អិតជាអាហារ ប៉ុន្តែពេលវាងាប់ វាក៏ត្រូវសត្វល្អិតស៊ីជាអាហារវិញដូចគ្នា។
២. ដើមឈើមួយដើមអាចយកទៅធ្វើឈើគូសបានរាប់លានដើម ប៉ុន្តែឈើគូសតែមួយដើមក៏អាចដុតដើមឈើក្នុងព្រៃរាប់លានដើមដូចគ្នា។
៣. ចូរកុំមើលរំលងមនុស្សដែលតូចទាបជាងអ្នក ដោយសារគិតថាខ្លួនឯងធំខ្ពស់។ កុំមើលរំលងអតិថិជនតូចតាច ដោយមើលមិនឃើញពីគុណតម្លៃរបស់ពួកគេ ព្រោះនៅថ្ងៃមួយគេអាចក្លាយជាអតិថិជនធំម្នាក់របស់យើងក៏ថាបាន។
៤. កុំគិតថាយើងរឹងមាំ គ្មានថ្ងៃឈឺថ្កាត់ ដោយសារអាយុនៅតិច ត្បិតរណ្ដៅបញ្ចុះសពមិនមែនមានសម្រាប់តែមនុស្សចាស់នោះទេ ប៉ុន្តែគឺសម្រាប់មនុស្សស្លាប់ទូទៅ។
៥. កុំគិតថាខ្ញុំមានហើយចាយលុយដូចក្រដាស ព្រោះថ្ងៃណាមួយលុយតែ១ម៉ឺនរៀលអាចមានតម្លៃខ្លាំងណាស់នៅពេលអ្នកធ្លាក់ខ្លួនមែនទែន។
៦. ក្នុងជីវិតនេះគ្មានអ្វីស្ថិតស្ថេរទេ ធំក៏អាចក្លាយជាតូច មានក៏អាចក្លាយជាក្រ រឹងមាំក៏អាចប្រែជាទ្រុឌទ្រោម។ គ្មាននរណារស់បានអមតៈនោះទេ ដូច្នេះត្រូវចាំទុកថា “កុំភ្លេចខ្លួន កុំឈ្លក់វង្វេងខ្លួនឯង” ហើយរឹតតែសំខាន់គឺហាមប្រមាថជាមួយជីវិតតទៅទៀត។
៧. បើទោះបីមិនទំនេរយ៉ាងណា ក៏ត្រូវមើលថែខ្លួនឯងឲ្យល្អ។ មិនថាពេលខ្លះពិបាកទាក់ទងជាមួយមិត្តភក្ដិ តែត្រូវនឹកដល់គ្នាជានិច្ច។ ពេលថ្ងៃផឹកទឹកឲ្យបានច្រើន ពេលយប់ផឹកទឹកឲ្យតិច មួយថ្ងៃកុំផឹកកាហ្វេលើសពី២កែវ។

១. រឿង ៣ យ៉ាងដែលគួរ​បំភ្លេច​៖
• រឿងអាយុ
• រឿងដែលកន្លងហួស
• រឿងដែលនាំទុក្ខដល់អ្នកដទៃ

២. ៤ យ៉ាងដែលត្រូវមាន ៖
• មានមនុស្សដែលស្រឡាញ់អ្នកដោយចិត្ត
• មានមិត្តដែលយល់ចិត្ត
• មានការងារធ្វើ
• មានផ្ទះសម្បែងសមរម្យ

៣. ៦ យ៉ាងដែលមិនគួរធ្វើ៖
• ឃ្លានហើយតែមិនញ៉ាំ
• ស្រេកទឹកតែមិនផឹកទឹក
• ងងុយហើយតែមិនព្រមគេង
• ហត់ហើយតែមិនសម្រាក
• ឈឺហើយតែមិនព្យាបាល
• ចាស់ហើយទើបស្ដាយក្រោយ

៤. ៧ យ៉ាងដែលមានតម្លៃខ្ពស់ជាងលុយ
• ការដែលបានកើតជាមនុស្ស
• ការបានយល់ពីសាសនា
• ការមានកល្យាណមិត្តល្អ
• ការមានភាពសុចរិតជានិស្ស័យ
• ការមានចិត្តមិនឫស្យា
• ការមានពេលវេលាសម្រាប់មនុស្សជាទីស្រឡាញ់
• ការចេះស្គាល់ពាក្យថា “គ្រប់គ្រាន់”

៥. ២ យ៉ាងមានតម្លៃមិនអាចកាត់ថ្លៃបាន៖
• សុខភាពផ្លូវកាយ
• សុខភាពផ្លូវចិត្ត

៦. ទុក្ខ ៣ យ៉ាង៖
• លះបង់មិនបាន
• ចាញ់គេមិនបាន
• លែងអ្វីមួយមិនបាន

៧. ទ្រព្យសម្បត្តិដ៏មានតម្លៃ ៦ យ៉ាង៖
• រាងកាយ
• ចំណេះដឹង
• ក្ដីស្រមៃ
• ទស្សនៈគតិ
• ភាពជឿជាក់
• ភាពក្លាហាន

=>សូមជួយlike PageFacebook ដែលមានឈ្មោះថា «Sok Sao News» ដើម្បីទទួលបានចំណេះដឹង ព័ត៌មាន និងការកម្សាន្ដ។ សូមអរគុណ។

LEAVE A REPLY